Xosé Cascudo gaña o Ramón Piñeiro por "A mística da feminidade en Mad Men"

A obra 'A mística en Mad Men', de Xosé Antón Cascudo resultou gañadora do Premio Ramón Piñeiro de Ensaio 2022.

O ensaio premiado nesta XXII edición deste certame literario está dotado con 3.000 euros e será publicado por Galaxia durante o próximo ano.

O autor do ensaio, Xosé Antón Cascudo (Guitiriz, 1976) é profesor de Xornalismo na USC, ademais de poeta (publicou en 2007 'Manual do misántropo' en Espiral Maior) e director de documentais. Licenciado en Historia da arte, é tamén doutor en Filosofía e un destacado estudoso galego no campo audiovisual.

O xurado valorou en 'A mística dá feminidade en Mad Men' "a súa aposta polo ensaio desde a análise semiótica do audiovisual máis icónico, no que se estuda a cuestión de xénero integrando na revisión o mellor das análises e do pensamento sobre o tema".

Escrito cun estilo "moi ben perfilado, posuidor dunha estrutura perfectamente arborizada, 'A mística dá feminidade en Mad Men' achega, e mostra, unha proposta ensayística que conecta co máis destacado dos estudos internacionais neste ámbito, reflexionando sobre a construción do socioidentitario a través dunha das series máis recoñecidas e influentes do noso tempo".

Así mesmo, o xurado destacou a variedade e o interese do conxunto de traballos presentados a concurso.

O Premio Ramón Piñeiro de Ensaio está organizado conxuntamente polo Centro Ramón Piñeiro para a Investigación en Humanidades da Secretaría Xeral de Política Lingüística e Editorial Galaxia, co patrocinio de Caixa Rural Galega.