O BNG denuncia opacidade e falta de transparencia no convenio coa Repsol

|

O BNG denunciou "opacidade" e "falta de transparencia" no convenio asinado pola Repsol e a Autoridade Portuaria da Coruña para o traslado das instalacións da petroleira a Punta Langosteira.

O Bloque informou nun comunicado da presentación, por parte da súa deputada Rosana Pérez, de varias iniciativas parlamentarias para "verter luz sobre unha serie de interrogantes e dúbidas que permanecen sen resposta dado o descoñecemento da literalidade do convenio".

Entre outros aspectos, a parlamentaria interésase polo destino dos terreos sobre os que se asenta actualmente o oleoduto e que afecta barrios moi poboados, como Os Castros, O Castrillón, As Flores ou o polígono de Elviña.

Pérez sinala que o traslado é "unha demanda histórica da cidade", "afecta mesmo a estrutura da propia urbe, (e) supón todo un acontecemento económico, social e ambiental", polo que conclúe que "resulta incomprensible que non se informe de maneira transparente". EFE.

O BNG denuncia opacidade e falta de transparencia no convenio coa Repsol