Veciña da Barcala, en Cambre, Kelly Tajes é farmacéutica e unha dos oito novos concursantes da ‘Liga dos Cantantes Extraordinarios’. A única da contorna da Coruña.
Esta non é a súa primeira vez na TVG –estivo no ‘Atrápame se Podes’– pero nunca antes se subira a un escenario: “Nin din clases de canto, nin estiven en ninginha orquestra, ou sexa, cero, completamente cero, de andar pola casa, karaokes de vez en cando e xa”, comenta Kelly. Una auténtica crack que compaxina as grabacións co traballo na farmacia, “de luns a venres, sempre en quenda de tarde, e algún sábado pola mañá”. No espazo televisivo está apadriñada polos Satélites, e tamén niso se sinte afortunada pois, aínda que confesa non ser moi verbeneira, eles están entre os que máis lle gustan “e non porque me apadriñen, senón porque sinto que a nivel vocal son os que máis destacan”, engade a artista da Barcala.
En canto ás rodaxes, son intensas pero marabillosas, “desde as nove e media da mañá, coa maquillaxe, os ensaios do tema, a coreografía... Despois, perruquería e listo”, explica Kelly.
Os temas non os escollen eles senón os responsables do espazo pero ela, que ten as súas preferencias, tanto de voces como de estilos, trata de adaptarse aínda que unha vez escapóuselle un ‘Ai, Deus’.
Porque ela é de Lady Gaga, Céline Dion ou Beyoncé, que “son máis o meu timbre”, pero no escenario dálle a todo, entrégase como cantante extraordinaria que é: “Dedicaríame a isto... Absolutamente”, di emocionada a concursante, seguidora de Lara Fabian e de Marc Anthony. “Este verán vereino na Coruña, xa teño as entradas”, remata Kelly.
