Estrella Galicia emitirá este domingo o anuncio da súa nova campaña nacional

Estrella Galicia emitirá este domingo, día 13, pola noite e en horario de máxima audiencia, o anuncio da súa nova campaña nacional, segundo informa a compañía. O novo anuncio narra unha viaxe, "o de todos os que forman parte de Hijos de Rivera ao longo destes 110 anos de historia", engade.

Nun comunicado, explica que a campaña "se"ancora nos conceptos de tradición e saga cervexeira familiar polo que xa apostou a marca" na súa estratexia de 2015".

Así, sostén que a cervexa "segue sendo a protagonista, pero achegando novos argumentos que transmiten a razón pola que se considera 'Esaxeradamente boa', precisa sobre o seu slogan.

O anuncio ten dúas versións, de 10 e 20 segundos, e a música foi composta en exclusiva por Nicolás Casal, gañador dun Oscar nesta edición de 2016 pola súa música para a curtametraxe "Stutterer" de Benjamin Cleary.

"Todo iso cun obxectivo claro: xerar notoriedade de marca e consolidar a asociación de Estrella Galicia cos valores que a definen, como é o caso da cultura de cervexa ou o seu carácter premium", apostila.