10º-19º
sábado | 20 abril | 2024
O festival de contidos dixitais Carballo Interplay celebrará a súa novena edición os próximos 6 ao 9 de abril co compromiso de apoiar o talento galego e reivindicar a creación dixital en Galicia e en galego, xa sexa en redes sociais, audiovisual ou en formato podcast.
Unha das iniciativas desta edición será o Certame Dinosauro Escolas, que pretende fomentar a creación de contidos audiovisuais orixinais en galego mediante a creación de capítulos da serie Dinosauro.
Esta convocatoria diríxese aos estudantes de Secundaria, Bacharelato ou Formación Profesional de Grao Medio e, os dez finalistas proxectaranse na décima edición do festival, informa a organización.
Gravarase ademais en directo Petiscos no Derby, un formato especial e exclusivo para o Carballo Interplay do podcast Café Derby, que nace das conversacións na cociña dun piso de estudantes que, co paso do tempo, convértense en faladoiros profesionais con invitados relacionados coa cultura galega.
Nesta ocasión estarán a divulgadora Tamara Pazos, a youtuber e tiktoker Prado Rúa, a xornalista Esther Estévez, cara de Dígocho Eu, o youtuber OlaxonMario e o músico Berto.
