Andrea e Ailín son as dúas Educadoras Sociais que conforman o Colectivo GRANADA LIMONERA (@granadalimonera), tras o seu cruce de camiños en A Coruña, a mediados do ano 2022. Dende ese intre, non deixaron de crear e crer na importancia de xerar espazos artísticos dende unha mirada educativosocial na cidade.

Neste taller de "Collage a partir de Fotografías Analóxicas" desfrutaremos untas dunha maña afondando nas historias que esconden as nosas fotografías analóxicas da infancia e crearemos a partir delas novas narrativas a través do collage.

Materiais incluidos, a excepción de que cada persoa participante deberá aportar, polo menos, 1 fotografía analóxica súa (da súa infancia, historia de vida ou dalgún momento/lugar representativo).

Aforo limitado, reserva a túa praza enviando un correo a obradoiros@acefala.org