O mércores 24 de maio ás 18.30 h temos na Biblioteca Fórum o obradoiro "Xogando a ser Picasso" impartido por Tonecho Otero. Achegamento da figura do pintor aos nenos entre 6 e 12 anos mediante a práctica, facendo esculturas en papel, que é unha das facetas menos coñecidas do autor.

Aínda que nalgúns casos estas pezas eran pequenas maquetas que logo pretendía facer en ferro, a maioría eran obras finais, é dicir, esculturas de papel. Coma moitos outros nenos, Picasso creou os seus primeiros recortables moi novo, pero durante toda a súa vida serviuse do papel para crear obras de arte.