O grupo Sex Museum actuán o sábado 30 na sala O Túnel, do Coliseo, onde presentarán en directo o seu último traballo titulado Una y otra vez, composto de once cancións que denotan unha frescura pouco común. Fóra de buscar referencias arredor deles, a formación amósase tal e como é, despois de probalo todo. O que poderán ver os espectadores é o que sae deles mesmos. Soan como son e viven. Falan do que respiran.
O directo comezará ás dez e media da noite e as entradas teñen un prezo de doce euros, quince se son adquiridas na taquilla do Coliseo. Están dispoñibles na praza de Ourense, de luns a venres, de 09.30 a 13.00 e de 16.30 a 19.30 horas, e a través do número de teléfono 902 504 500, ademais da páxina web www.servinova.com. Durante máis de vinte anos en activo, Sex Museum compaxinan outros proxectos ao mesmo tempo como Los Coronas, Los Matadors o Wonderboys.
