A Deputación adquire doce obras de dez artistas no certame “Isaac Díaz Pardo”

redacción > a coruña
  A Deputación selecciona doce obras de dez artistas galegos dentro da duodécima edición do premio “Isaac Díaz Pardo”, xunto a oito pezas máis para organizar unha exposición itinerante que percorrerá unha decena de municipios coruñeses durante este ano. A institución destinou para o certame preto de 44.000 euros cos que adquiriu as pinturas, esculturas, gravados e fotografías de nomes que irrumpen no panorama das artes plásticas e de consagrados “que dan prestigio al premio”, sinalaba o comisario Jano Muñoz. O xurado tivo en conta o discurso das propostas.