Antón Reixa | “A actitude de Jorge sería moi punki, aferrado ao arte de pintar”

A amizade é quen de mover montañas, e tamén de xuntar a unha multitude de artistas para unha causa benéfica como o é o Cabezas Live Aid 2, que terá lugar hoxe ás 21.00 horas no Garufa Club e que busca recadar fondos para  o tratamento do pintor coruñés Jorge Cabezas.

Cabezas sufriu un accidente cerebro-vascular no ano 2014 e dende ese momento atópase fóra da vida social. Tal e como conta Antón Reixa, “a nosa ilusión é que estea o mellor posible, e que volva a pintar.

Reixa conta que hoxe “a partir das 21.00 horas, xuntámonos unha chea de amigos seus”. 
Ademáis do propio Reixa, polo escenario do Garufa pasarán Álvaro Dorda, a voz de Electra; os Fabulosos Cubalibres; Os Mecánicos; Carolina Rubirosa, Julián Hernández ou Xoel López, entre outros. Reixa actuará cos Mecánicos, do que afirma que “para un músico sempre é interesante ver como sona a súa música tocada por outras bandas”.

Sobre Cabezas, Reixa só ten palabras de gabanza. “Jorge é un artista absolutamente moderno”, sinala, “a arte é o seu territorio de paixóns”. “A actitude de Jorge sería moi punki, aferrado ao arte de pintar”, conta Reixa.

A obra de Cabezas é “moi accesible e moi popular”, conta. “Era quen de transmitir enerxía, sarcasmo e alegoría”. Conta Reixa que no “altar de fanatismos” do propio Cabezas compartían espazo xente tan variopinta como Picasso ou Cañita Brava.

Sobre a cita de hoxe, sinala Reixa que seus amigos “botámolo de menos”, un dos seus propósitos é lograr “recuperar o ambiente de risas” que lograba xerar o pintor coruñés no seu cículo de amigos.

Accidente
O propio Antón Reixa se atopa neste momento “tratando de recuperar a súa vida artística”, tralo accidente que sufriu hai dous anos e que tivo en coma ao artista uns 18 días.

Precisamente do accidente que sufriru, conta o artista vigués que lle serviu para “comprobar a verdadeira amizade” das persoas máis acehgados, tal e como lle queren mostrar mañá ao pintor coruñés Jorge Cabezas.

Na actualidade, “quero concentrarme no meu traballo musical e literario”, conta, “agora síntome moito máis libre para facer o que quero”.

Reixa sempre gardou ese aura de punki que se trasladaba á súa obra. En plena campaña electoral non é estraño botar a vista atrás e lembrar as súas letras e comprobar que seguen a ser actuais.
Precisamente hoxe “tocaremos “Economía sumerxida”, que é do ano 1986” e na que é curioso comprobar que falaba de temas que todavía están ao día, como a precariedade laboral e as situacións precarias de parte dos cidadáns.

Reixa conta con que o público acuda hoxe a mostrar o seu cariño por Jorge Cabezas.