O mural en Présaras
CEDIDA
A parroquia de Présaras, en Vilasantar, vén de estrear un mural que rende homenaxe ao oficio nos muíños antigos, elaborado por Elvira Sánchez Barreiro.
"Unha obra de arte que representa o traballo nos muíños, imprescindible para a supervivencia da xente do rural noutras épocas e hoxe en día un fermoso patrimonio, moi presente no noso municipio", declarou o Concello de Vilasantar.
Elvira Sánchez realizando o mural
CEDIDA
O Executivo local agradeceu a Sánchez o seu labor, un mural co que "recuperou un anaco da nosa historia". "Moitas grazas pola túa arte!", concluíu o Concello nas súas redes sociais.
