Liberada unha muller aprisionada por unha vaca na Laracha

Unha veciña do lugar de Ferreira, no concello coruñés da Laracha, foi asistida despois de que fose esmagada contra un ferro por unha vaca, informou hoxe a central que coordina as emerxencias en Galicia.

A muller tiña dificultades para respirar, segundo relatou un particular que alertou aos servizos de emerxencias.

Os bombeiros de Carballo, informados polo 112, descartaron acudir unha vez que se confirmou que a ferida estaba xa liberada e atendida polos técnicos de Urxencias Médicas.

O suceso rexistrouse sobre as 20:20 horas e, ademais dos efectivos do parque comarcal, o 112 avisou a Garda Civil. EFE