Un incendio, que comezou pasada esta media noite, destruíu por completo un serradoiro da parroquia de Santiago de Oliveira, en Ponteareas (Pontevedra), informou hoxe a central que coordina as emerxencias en Galicia.
Tanto a parte industrial coma a zona de oficinas quedaron completamente calcinadas, segundo sinalaron os bombeiros do Baixo Miño, que concretaron que afortunadamente ninguén resultou ferido.
Ademáis dos efectivos do parque porriñés e ponteareano, a intensidade do lume obrigou a mobilizar os bombeiros do Morrazo e Ribadumia, así como aos membros do distrito forestal da zona e do servizo de emerxencias de Mos.
Un retén ocupouse esta mañá das labores de refrixeración.
A cantidade de material almacenado no interior da nave complicou enormemente a extinción, de tal xeito que os primeiros efectivos en chegar solicitaron máis cisternas de auga para poder sufocar as intensas chamas.
O persoal do 112 activou o operativo ás 00:20 horas grazas ás chamadas de varios veciños que observaron a presenza de lume e, a partir daí, os xestores informaron ás forzas da orde e ás autoridades da Consellería de Medio Ambiente.
Tamén pediron axuda aos voluntarios de Protección Civil de Cangas e Porriño e aos integrantes do GES da Garda.
Igualmente, avisouse a Unión Fenosa, pola necesidade de suspender a subministración mentres durasen os traballos. EFE