Detidas por usar documentación allea para sacar diñeiro nun banco en Vigo

A Policía Local de Vigo detivo dúas mulleres, S.J.M., de 28 anos, e A.A.V.D., de 22, por presuntamente usar un DNI e unha cartilla que non eran súas para sacar diñeiro dun banco en Vigo, informaron fontes policiais.

Foi a propia entidade financeira a que alertou a Policía para que se achegase á sucursal, situada na rúa Urzáiz, onde dúas mulleres tentaban nese momento sacar diñeiro, do mesmo modo que o día anterior, cando retiraran 3.000 euros.

Un empregado do banco informou os axentes de que se decatou de que non eran titulares da conta e que lle constaba unha denuncia na Policía Local do Porriño pola subtracción dun bolso na piscina municipal en que estaba a documentación que as detidas usaran.

Estas acabaron por recoñecer que a colleran dun bolso que estaba no chan, polo que foron detidas e postas a disposición xudicial. EFE