O Conslar OAR, que non está precisamente no seu mellor momento (suma tres derrotas consecutivas), perde este mes a un dos seus xogadores máis importantes. Aitor Cotelo marcha a Brasil para seguir os seus estudos de INEF. Iso si, antes de viaxar disputará dous últimos partidos ca camisola vermella: o de Camariñas, o sábado, e o de Zamora.
–¿Como afronta estas semanas antes de partir?
–Marcho sabendo que o equipo non acabou ben a primeira volta, e que perdeu o sábado contra o Xiria. Pero aínda queda moito e pode recuperarse.
–Fronte ós de Carballo recibiu unha pequena homenaxe do OAR. ¿Que sentiu vostede?
–Foi algo moi bonito, a verdade é que non o esperaba.
–¿E en Brasil vai seguir xogando ó balonmán?
–Si, é o que teño pensado. Estarei seis meses alí, e logo regreso.
–Agora toca pensar no Camariñas. ¿Como ve este segundo derbi provincial?
–É un partidos dos importantes, despois dos últimos resultados. de tódolos xeitos, é difícil gañar alí.
–Na primeira volta tamén xogaron ante Camariñas tras caer fronte o Xiria.
–Si, agora temos unhas sensacións parecidas ás daquela. De novo tivemos un partido moi duro ante o Xiria. Pero o que nos vén tamén será duro.
–¿Ten máis perigo un equipo que vai antepenúltimo na clasificación?
–Si, eles necesitan os puntos, xogan na casa e ademáis é un derbi provincial.
–¿Canto tempo fai que non visita O Areal?
–Pois fai tempo que non xogo alí, dende que era xuvenil.
–E logo Zamora.
–Outro partido motivante, ante un equipo que foi líder e que é moi forte.
–¿Viaxaría máis tranquilo a Brasil cos catro puntos no peto?
–Si, porque a Liga está moi igualada e en calquera intre podemos volver a estar arriba.