O estilo libre de Tenreiro conflúe no único mural que se conserva na rúa Compostela

O estilo libre de Tenreiro conflúe no único mural que se conserva na rúa Compostela

Antonio Tenreiro andaba por libre. Pode ser que por iso non escoitou os preceptos renacentistas que apuntaban ao branco como punto de partida. El quixo que fora o gris porque de gris se pintaba a terra que o vira nacer. A súa atmósfera e edificios adquiriron entón tonalidades máis escuras e o que medrou nun ambiente liberal optou por estender tamén o seu talento pola pedra e azulexos que hoxe son mar e tamén paquebotes, embarcacións de pesca e ata un trasatlántico.

Son os protagonistas que Tenreiro elexiu para o único mural que se conserva na cidade. Está na tenda Tous na rúa de Compostela e obecede á conciencia de patrimonio que tivo o propietario do local que respetou o que o creador fixera como un exemplo máis de particulares que atenden á importancia da arte desprotexida. A que está núa legalmente.

o catálogo da exposición de belas artes recolle en fotos exemplos do dominio do espazo que tiña tenreiro

Pola contra, o que o vangardista pintou no desaparecido restaurante El Rápido non tivo a mesma sorte e segundo os que si desfrutaron desta creación que se perdeu nunha reforma do baixo, del so quedan algúns documentos en forma de bosquexos previos á obra.

No caso do único supervivinte, o comisario da mostra en Belas Artes, Pedro Vasco, comentaba que habería que indagar a súa orixe pero que todo apunta a que Tenreiro retratou o porto da cidade para xente pequena. Pola perspectiva todo parece indicar que o negocio estaba adicado aos cativos. Titulouna “Marina” e permite que un poida flotar agora en medio das xoias do deseñador catalán.

Nun recanto do local, o cliente bebe do impresionismo. Acaricia a viveza que Tenreiro quixo para inmortalizar o seu mar. En medio de chalanas que hoxe xa non están e nunha mostra máis de que o artista tiña un dominio absoluto do espazo dada a súa formación de arquitecto.

Isto queda de manifesto noutras creacións como a da residencia de estudantes “A Condesa” de Santiago, a dos Peares, e a que proxectou no Instituto de Betanzos na súa inauguración e que tamén se derruiu nun novo acondicionamento do edificio. A peza que se pode ver no catálogo distínguese do resto polo estilo, onde entran as matemáticas e a liña. O mural inmenso representa unha paisaxe urbana pola que o espectador se move. Abducido polas formas xeomátricas. Parecidas ás que construía Mondrian nun exemplo máis da arte universalista de Tenreiro. Que colleu da man a Galicia para levala polo resto do continente.

Dunha familia de intelectuais, políticos e do mundo financieiro e artístico, deixa a modo de legado unha obra á vista de todos. Sobre o azulexo. En tonalidades azuis e verdes. Un mar tan vivo que case se toca. n

 

O estilo libre de Tenreiro conflúe no único mural que se conserva na rúa Compostela

Te puede interesar