Estas son as procesións que percorrerán este xoves Santiago

Neste Xoves Santo terán lugar dúas importantes procesións. A primeira delas será a da Última Cea do Salvador, da Confraría Franciscana da Vera Cruz. 

Esta iniciará e rematará o seu percorrido ás 19.30 horas no Campiño de San Franscisco despois de pasar polo Obradoiro, Fonseca, Praterías e outros puntos da Zona Vella. 

A outra marcha importante é do Flaxelado, da Confraría do Noso Pai Xesús Flaxelado. Neste caso, comezarase catro horas despois da anterior na praza de Santo Agostiño, onde tamén finalizará o seu itinerario tras pasar por máis de vinte rúas do centro da cidade.