O mércores 16 de xullo, ás 19.30 h, cerraremos este curso do Cineclub Bóveda, coa proxección de O quimono vermello.

Despois de varios anos afastada do cinema, a actriz Dorothy Davenport regresou como produtora para impulsar filmes sobre temas sociais e alentar debates públicos. É o caso d’O QUIMONO VERMELLO (Walter Lang, 1926), baseada nun caso real, que se atreve a tratar o drama da prostitución e a difícil reincorporación á sociedade dunha muller despois dunha experiencia traumática.

Veremos o filme con acompañamento musical en vivo a cargo de María Pilar Pérez Rodríguez, violinista coa OBC (Orquestra Sinfónica de Barcelona), a Orquestra Sinfónica de Asturias, a Orquestra de Euskadi e outras agrupacións de música de cámara.