O xoves 5 de xuño, ás 20 horas en Portas Ártabras terá lugar a palestra titulada 'Isaac Díaz Pardo, custodio infatigable da Memoria', pronunciada polo escritor, investigador e colaborador de Isaac; Xosé Ramón Fandiño.

Nesta intervención iremos vendo os primeiros 16 anos da vida de Isaac ao carón de seu pai, o escenógrafo Camilo Díaz Baliño, na casa da Tumbona de Santiago. Veremos tamén os seus diversos emprendementos como pintor, ceramista, emigrante, ideólogo e creador cultural. E sempre co seu permanente compromiso co ideario republicano e autonomista, cos inmolados, cos exiliados e coas causas xustas.