"COMPAÑA", o novo espectáculo de XAMPATITO PATO

Este venres 24 de xaneiro ás 19:00 h contaremos cun espectáculo para público familiar (+5 anos) que fusiona o circo co mundo dos monicreques, creando imaxes e escenas que transportan ao espectador a un mundo surrealista e onírico da man dun dos mellores artistas circenses do noso país, Jesús Velasco.

Un personaxe solitario en busca de compaña explora a súa imaxinación para dar vida a cada un dos seus pensamentos. A través deste proceso, consegue sentirse acompañado e leva ao público por un camiño cheo de sorpresas e risas.