A concellería de cultura programa para o venres 3 de maio ás 18:30 no Auditorio da Casa da Cultura o espectáculo de teatro CUBO para público infantil (a partir de 4 anos) e familiar. Espectáculo AGADIC
C U B O é un espectáculo de teatro de movemento para público infantil e familiar.
En escena, un cubo de 2 metros de lado onde habitan dous personaxes. Xogan, cantan, rin, pelexan e berran. Un día decátanse de que queren ir máis lonxe e descubrir o mundo enteiro. C U B O fala do confinamento, da amizade, das separacións e da aventura de medrar.