Exposición 'Fauna esencial' de Afundación e ABANCA en Cambre

O Museo do Xacemento Romano do Concello de Cambre acollerá este martes, 23 de decembro, ás 09:30 horas, o acto de inauguración da exposición fotográfica 'Fauna esencial', un percorrido pola beleza e a fraxilidade das especies máis representativas da nosa contorna natural. Esta iniciativa é posible grazas á colaboración entre o Concello de Cambre, ABANCA e Afundación, institucións que estarán representadas no acto coa presenza de Diana Piñeiro, alcaldesa de Cambre; José Manuel Vilariño, coordinador Institucional de ABANCA; José Freire Cofreces, directos da oficina de ABANCA en Cambre; e Beatriz Aler, coordinadora da Sede da Coruña de Afundación.

Esta mostra, de entrada libre e gratuíta, poderase visitar ata o 25 de xaneiro de martes a venres de 11.00 a 14.00 e de 17.00 a 20.00h, e os sábados e domingos de 11.00 a 14.00 h.

Fecha Iniciomartes, 23 de diciembre de 2025 09:30

LugarMuseo do Xacemento Romano

Dirección Rúa Wenceslao Fernández Flórez, 20, 15660 Cambre, A Coruña, España