• Martes, 21 de Noviembre de 2017

De patentes de corso

domingo tabuyoAlgún tipo de pandemia ou mal de altura debeu chegar

Algún tipo de pandemia ou mal de altura debeu chegar para quedarse nas nosas sociedades. Ven acompañada de diversos efectos secundarios, como a soberbia, o abuso, o engano , a lasitude moral e a facilidade para confundir o público co privado.
E semella que, voluntaria ou involuntariamente, despraza o equilibrio existente, querendo converterse en actores principais, cando o certo é que só teñen nivel para filmes secundarios. É o mundo ao revés.
Ou o xogo dos espellos, onde tan só os que manexan as tramas dos enganos, sobreviven. E así os que deberan calar falan ata polos cóbados, e os que deberan cantar dunha vez por todas, calan por prescripción legal do seu avogado de cabeceira. Bárcenas falou en non se lle fixo caso.
A algúns se lles investiga de oficio despois dunha denuncia anónima. E outros figuran en papeis, e ata en varias ocasións, e non pasa nada.
Ou o cinismo dos Pujol, que encargan que lle fagan uns libros para lavar a súa (deteriorada) imaxe. Ou medios que están nunha especie de cruzada sempre contra o mesmo, Sánchez, e xa cheira.
Véxase Ferreras que semella lle fora a vida no empeño. Hai algúns que, por algún tipo de darwinismo social, creen ter a patente de corso para desprestixiar, destruir e minusvalorar a outros gratuitamente, como Javier Marias ven de facer con Gloria Fuertes. Inxusto e innecesariamente vulgar.
O Rei emérito protesta, con moita razón, por non ser invitado ao 40 aniversario das eleccións. E mentres, na fiestra cae a tarde e ti, dende a distancia, repites aquilo de que nunca teremos despedidas, porque estaremos xuntos para sempre... iso é falar dixen eu, con intencionalidade e doce aleivosía...