O voceiro nacional do BNG e vicepresidente da Xunta de Galicia, Anxo Quintana, alerta de que tras a defensa do bilingüismo hai “unha vontade de facer de Galicia unha sociedade monolingüe en castelán” e, pola contra, tras a defensa do bilingüismo reivindica o “consenso social” en favor do galego como “lingua propia” da comunidade.Coincidindo coa celebración do Día das Letras Galegas, Quintana publicou un novo artigo no seu blog (www.falaconquin.com) no que fai unha homenaxe á lingua galega e invita a darlle “unha longa vida e futuro”. Tamén enxalza a figura do poeta, editor e arqueólogo Xosé María Álvarez Blázquez, autor recoñecido este ano pola Real Academia Galega.
No seu texto, o voceiro nacional do BNG sinala que “hai voces interesadas en cuestionar o modelo -lingüístico- consensuado, creando un imaxinario de imposición do galego e de privación das liberdades lingüísticas”.
