Onte presentouse “O Arame”, a primeira obra do século íntegramente galega. Os seus creadores -tanto o musical como o do libreto- desglosaron o argumento desta composición. Trátase dunha ópera de cámara, na que se tratan os temas clásicos da literatura e da lírica. A relación entre dúas persoas, un home e unha muller, adicados ao mundo do espectáculo. El é un funambulista -de ahí o título- e viaxa xunto á súa parella. A viaxe é a obra. Chegan, nos intres finais do libreto, a unha duna dende a que se divisa o mar, que constitúe a fin do traxecto.

O dramaturgo galego Manuel Lourenzo debuta na dirección de escea operística coa estrea mundial desta representación, baseada nun relato seu. “Hai dous momentos que me inspiraron á hora de escribir este texto. Un foi a escea final da película ‘O Sétimo Selo’, de Bergman e outro foi unha escea do filme ‘L’strada’, de Federico Fellini”, comentou o escritor, pai do argumento. Esta producción propia do Festival de Ópera coruñés contará coa música de Juan Durán, que colaborou intensamente con Lourenzo e manifestou o seu agradecemento de forma efusiva, así como a súa admiración polo escritor: “É un luxo traballar con Manuel Lourenzo. Eu son dos que pensan que unha ópera ante todo é unha representación, por iso, na miña opinión, o texto é o máis importante, o primeiro”, sinalou Durán.

Os intérpretes > Os autores falaron marabillas de cada un dos artistas que representarán o vindeiro sábado esta función. Javier Franco, o barítono, conta cunha importante carreira desenvolvida sobre todo en Italia. A súa compañeira, a soprano Carmen Durán, pola contra, fixo a súa en Alemaña.

Os dous cantantes son galegos e, no caso de Durán, a coincidencia en apelido co responsable da área musical non é casualidade: son irmáns. “Escribín a parte da muller especialmente para ela. De ter sabido que sería Franco quen interpretaría a parte masculina tamén o tería feito do mesmo xeito. Pero, aínda así, seguro que se axusta perfectamente á súa voz”, comentou Juan Durán.

A outra parte que foi alabada na rolda de prensa e no posterior coloquio foi a dos bailaríns Caterina Varela e Alexis Fernández, que hai ben pouco representaron na cidade a súa obra “Vacuo”, e foron elixidos polos creadores da ópera: “No momento no que os vimos decidimos que tiñan que ser eles os protagonistas. Vímolos en ‘Vacuo’ e quedamos abraiados”. Ambos profesionaiss da danza traballaron xuntos en varias ocasións e residen na capital herculina. A estrea terá lugar o vindeiro sábado día 13 de setembro.