Galicia rexistrou en setembro un índice de ocupación hoteleira de 37,9%

Galicia rexistrou en setembro un índice de ocupación hoteleira de 37,9%
El Pastor sigue escuchando ofertas por el hotel Finisterre pedro puig

Galicia rexistrou durante o mes de setembro un índice de ocupación hoteleira de 37,9 por cento, cando a media española foi de 63,6 por cento.

Segundo os estudos de conxuntura turística hoteleira do Instituto Nacional de Estatística (INE), a comunidade cun índice maior de ocupación foi Baleares (82%), seguida das Canarias (74,1%), mentres que as de menor foron Castela-A Mancha (29,8%) e Estremadura (31,8%).

Galicia recibiu 5,7 por cento das hospedaxes de residentes en España e 1 por cento das de non residentes, nun ránking encabezado no primeiro caso por Andalucía, con 22,8 por cento, e polas Baleares, no segundo, con 34,3 por cento.

No referente aos prezos (IPH), a taxa de variación anual en setembro situouse no conxunto de España en 2,2 por cento, mentres que en Galicia foi de só 0,3 por cento.

A tarifa media diaria (ADR) rexistrou en Galicia no mes de referencia unha variación anual de 1,1 por cento, sensiblemente inferior ao 6,2 por cento do conxunto das autonomías; mentres que os ingresos por cuarto dispoñible (RevPAR) variaron en Galicia 6,8 por cento e, na media, 11 por cento. EFE.

Galicia rexistrou en setembro un índice de ocupación hoteleira de 37,9%

Te puede interesar