Enténdese como lingua materna, tamén chamada lingua inicial, aquela na que un suxeito adquire a linguaxe, é dicir, aprende a falar. Unha das súas características e a da espontaneidade, non se aprende dun modo formal, senón de xeito intuitivo e de forma oral cando se é un neno.
A lingua que empregan os axentes de socialización do neno durante as etapas iniciais do seu desenvolvemento son o factor máis importante para determinar cal é a súa lingua materna. Normalmente este papel compárteno a familia e os axentes externos como as escolas infantís e os medios de comunicación e audiovisuais principalmente.