15:25 h. Viernes, 19 de diciembre de 2014

 

Manicómicos critica a falta de respeto de Cultura ao non planificar con tempo

| Actualizado 01 Agosto 2012 - 04:26 h.
Vota esta noticia:
Más acciones:
Membros da asociación leron onte no seu local un manifesto en contra da actitude do Concello	patricia g. fraga
Membros da asociación leron onte no seu local un manifesto en contra da actitude do Concello patricia g. fraga

A asociación cultural Manicómicos facía onte público un manifesto no que máis que criticar a decisión do Concello de omitir o seu festival dentro do programa de festas, denunciaba o xeito de traballar da Concellería de Cultura, que non os avisou de que prescindía da actividade até hai un mes, cando o colectivo xa tiña contactado con distintas compañías de fóra.

Os voceiros encargados de ler o escrito tildaban este modo de actuación de “non digno”, cun proceso que comezaba hai tempo e que resumían en dous meses de conversas co Concello sobre unha proposta fixa que eles mastigaron meses antes e sobre a cal Cultura tardou entre tres e catro semanas en respostar. A razón foi textualmente “un cambio de opinión”. Máis en concreto, “optaron pola decisión de non confirmar como se iso significase un non”.

Tildan de degradante que lles convidaran
a actuar en “Faranduleando”
sen poder decidir nel

Ese período de tempo en branco impediu ao colectivo poder optar ás distintas axudas que recibía por parte doutros organismos públicos e que destinaba á cita de agosto. Contaban que en 2011, o colectivo xuntaba 15.000 euros do Concello, 5.000 do Ministerio de Cultura, 4.000 da Deputación, 2.500 de Gadis e 1.600 do Agadic. Isto sumaba unha cantidade de 28.100 euros, que non chegou para cubrir os 33.000 euros de gastos que supuxo a posta en escena de trece artistas e as súas conseguintes trinta funcións. A diferenza correu a cargo do colectivo, que non sacou ningún beneficio do evento.

Por iso, Manicómicos quere facer unha chamada de atención ante o que consideran unha falta de respeto e sobre unha actitude, a do Concello, que non lles deixa marxe para planificar absolutamente nada. Lembran que tanto o festival de verán como o de marzo precisan de meses de preparación polo que “non podemos traballar dependendo dos vaivenes” da Concellería porque é inviable. Este modo de facer as cousas, engaden, xa o veñen demostrando en anteriores colaboracións. Aínda así non descartan seguir ofrecendo as súas iniciativas independentemente das relacións que manteñen co goberno e coas persoas que están ao fronte de Cultura: “Non sei o obxectivo deles pero o noso é o de fomentar a cultura”, sinalaba un dos membros.

Por outra parte, a asociación acúsaos de apropiarse “dalgunha das súas ideas” e de levalas a un programa, “Faranduleando”, onde se inclúen dous dos espectáculos que o colectivo programara como son o de Kamchátka e La industria teatrera “De paso” e que segue o mesmo modelo de actuacións que eles incularon no centro e nos barrios da cidade.

Afirman que si é verdade que lles propuxeron actuar no mesmo pero a modo de colaboración e sen capacidade de decisión a modo de “nós vamos a dicir todo e vós podedes colaborar”. Neste aspecto, a Manicómicos parécelles degradante que os convidaran a participar “nun festival no que non podemos decidir e con mano de obra gratuita”. n